Sika Albania shpk

Çfarë ofron

1-Aditivë për beton & llaç

Ofrojme dhe zhvillojmë zgjidhje për ndërtime me cilësi të lartë, për optimizimin e procedurave për klientët tanë, si edhe për uljen e kostove. Me përdorimin e produkteve inovatore arritëm atë që deri dje ishte e pamundur.

Ofrimi i shpejtë i produkteve dhe shërbimeve kudo nëpër botë, janë faktorët kryesorë të suksesit për arritjen e ritmeve të shpejta të zhvillimit në tregjet e reja ose të vështira. Gama e aditivëve të Sika-s, mbulon të gjitha kategoritë e aditivëve sipas standardit EN 934-2, por edhe kombinimet e tyre, duke përmbushur të gjitha kërkesat e aplikimeve dhe sistemeve.

2-Hidroizolim

Krijimi i një llaçi të hidroizoluar nga Kaspar Winkler në 1910, ishte shkaku kryesor i ecurisë së suksesshme të Sika-s në fushën e hidroizolimit. Sika është bashkëpunëtori më i kualifikuar që mund të keni, duke ju ofruar një gamë të gjerë produktesh dhe sistemesh hidroizolimi, suport teknik dhe përvojë në aplikim.

Hidroizolimi i saktë i konstruksioneve nëntokësore, rezervuarëve, veprave infrastrukturore, detajeve specifike mund të arrihet vetëm me projektimin, përvojën dhe përzgjedhjen e duhur të materialeve dhe sigurisht me aplikues profesionistë dhe kontroll të cilësisë në vendin e punimeve.

3-Izolim & ngjitje 

Izoluesit elastikë Sikaflex® dhe Sikasil® janë produkte me performancë të lartë me rezistencë të pakrahasueshme ndaj kushteve të mjedisit dhe sforcimit kimik. Fitojnë lëvizje pa humbur ngjitjen e tyre me elementet pranë konstruksionit. Përveç izoluesve për pjesën e jashtme të ndërtesave, Sika disponon një gamë të gjerë produktesh për izolim edhe në pjesën e brendshme të tyre, për rezervuarët, dyshemetë industriale, fugat e aeroporteve,etj.

4-Riparim & mbrojtje

Sika ju furnizon me aditivë specifikë për llaçet, llaçe të gatshme për riparime dhe një shumëllojshmëri zgjidhjesh për mbrojtjen e betonit. Sistemet e riparimit & mbrojtjes nga Sika mbulojnë aplikime në ndërtesat e zakonshme, deri tek veprat me standarde dhe kërkesa të larta të ndërtesave industriale.

5-Përforcim strukturor

NGARKESAT e shumta me të cilat ndërtesat rëndohen, legjislacionet më të rrepta, standardet që duhet të zbatohen dhe ndryshimet e shpeshta gjatë përdorimit të ndërtesave janë vetëm disa nga shembujt ku aplikimi i sistemeve të përforcimit statik sa vjen dhe bëhet i detyruar. Me pllakat Sika® CarboDur® apo pëlhurat SikaWrap® të gjitha këto kërkesa mund të plotësohen shpejtë, lehtë dhe me efikasitet.

6-Fiksim & ankorim

Llaçet që aplikohen me derdhje janë të rrjedhshëm, kanë rezistencë të lartë, bazë poliuretani ose epokside, dhe përdoren për mbushje të hapësirave në vende ku do të montohen makineri, si dhe për mbushje ose ankorime në elemente strukturore.

Sika ofron produkte të të gjitha teknologjive, për ngjitje joelastike, për ankorime me mpiksje të shpejtë, performancë dhe kërkesa të larta, edhe për aplikime specifike si ankorimet elastike të shinave të trenit.

7-Shtrim dyshemeje

Mjediset bashkëkohore industriale, tregtare dhe magazinat, zonat e qarkullimit të produkteve, mjediset e prodhimit dhe përpunimit, zonat me shkallë të lartë higjiene tj. bëjnë të domosdoshëm krijimin e dyshemeve me derdhje që u përgjigjjen sforcimeve të rënda mekanike, kimike dhe termike, duke plotësuar në të njëjtën kohë nevojat për rezistencë ndaj rrëshqitjes, higjienë dhe estetikë të lartë.

Zgjidhjet me sistemet Sikafloor® ofrojnë mundësinë e përzgjedhjes midis një shumëllojshmërie ngjyrash. Mund të aplikohen në trashësi të ndryshme për të përftuar sipërfaqe përfundimtare me pamje të bukur. Zhvillojmë sisteme, duke patur parasysh jetëgjatësinë e konstruksionit, nevojat funksionale, fugat ndërtimore, lidhjet dysheme-mur, projektimin përfundimtar të sipërfaqes dhe detajet e aplikimit.

8-Shtrim pllakash

SIKA disponon një gamë të gjerë kollash me bazë çimentoje për pllakat qeramike të të gjitha llojeve dhe përmasave, për aplikime të zakonshme dhe specifike, ashtu si dhe në aplikimet e sistemeve me ngrohje nën dysheme. Gjithashtu, disponon edhe bojakë me performancë të lartë për mbushjen e fugave edhe me kërkes specifike. 

9-Materiale & vegla 

SERIA më e mirë e produkteve që disponohet sot në treg, seria e materialeve Sika, mbështetet nga një grup materialesh dhe mjetesh ndihmëse që janë të çmuara për inxhinierin, aplikuesin,personin privat. Materiale dhe vegla ndihmëse që bëjnë procedurën e aplikimit më të lehtë, më të besueshme dhe me rezultat përfundimtar më të mirë.

Prajmera të posaçëm, tretës, mjete shtrimi për dyshemetë të aplikuara me metodën e derdhjes, aplikime izoluesish, saldimi membranash dhe jo vetëm, disponohen nga kompania jonë me synim shërbimin e përdoruesit dhe ndihmesë për aplikimin cilësor.

Tregjet që shërbejmë

Zgjidhje për ndërtimin

Gamë e plotë produktesh dhe zgjidhjesh nga bazamenti deri tek çatia, për projekte të reja si edhe rinovimet.

Zgjidhje për industrinë 

Prodhuesi më i madh i izoluesve dhe ngjitësve të poliuretanit me 1 përbërës. Sika Industry është eksperti për ngjitjen, izolimin, amortizimin akustik, përforcimin dhe mbrojtjen.

Zgjidhje për riparime në shtëpi 

Sika disponon zgjidhjen me produktet e duhura për riparimet në të gjitha pjesët e shtëpisë suaj.